Hapit na matapos ang unang Super Health Center sa Mati City ug sa dili madugay magsugod na kini sa ilang serbisyo.
Samtang, ang ikadugang SHC ang anaa na karon sa drawing board ug gikatakdang sugdan ang konstruksyon niini.
Sumala pa ni Mati City Mayor Michelle Nakpil Rabat nga ang ikaduhang SHC ang nahimutang sa Barangay Dahican kansa ang luna ang gidonar sa Provincial Government of Davao Oriental.
Samtang ang unang SHC ang nahimutang sa Barangay Central kansa gisugdan ang konstrucksyon niadtong Marso tuig 2023.
Sa Super Health Center facility dunay safe birthing provisions, pharmacy, lobby, records/office, primary clinical laboratory, consultation rooms, radiology services, minor surgical room ug ward/recovery room alang sa mga pasyente.
Ang maong gambalay ang gi-budgetan sa Department of Health og 12 million pesos, 10 million alang sa konstruksyon ug 2 million alang sa mga equipment.
Samtang, muabot sab sa 20,000 ka mga pasyente matag tuig ang mamahimong maakomodar niini.
Gilauman sab ni Mayor Rabat nga duna pay ikatulong SHC nga ipahimutang sa Brgy. Dawan, pinaagi niini ang tanang 26 ka mga barangays sa syudad ang dunay access sa health services sa gobyerno, diin tumong niini nga mahatagan og kalidad nga healthcare ang katawhang Pilipino.
