Daina E. Gerona
Naglambot sa kapin 200, 925 pesos ang kabilugan nga kahalitan nga ginbilin sang sunog nga nagluntad sa Prk. 1, Brgy, Dancalan, banwa sang Ilog, tinalikdan nga 17.
Sa ekslusibo nga interbyu sang Brigada News Fm Kabankalan, ginkumpirma ni Deputy Fire Marshall kag Acting Chief Eric U Macaya, sang BFP Ilog nga tatlo ka mga baligya-an nga amo ang Santa Ana Mixed Store, baligya-an sang utan kag grocery store ni Remia Silvano kag Salinas Motorparts ni Jerry Salinas ang totally damaged, subong man ang duha ka mga panimalay nanday Nelsa Tenifrancia kag Dolores Sancho nga partially damaged.
Dugang pa ni Macaya nga wala pa sa karon na tumod ang rason ukon ang ginhalinan sa pag-ibwal sang kalayo kag subject for laboratory pa lamang ang nakuha nga mga ebedinsiya sa lugar nga naglutad ang sunog.
Samtang nagapabilin naman ang alegasyon sang mga residente subong man sang tag-iya sang duha ka baligya-an kag duha ka mga panimalay nga naghalin ang kalayo sa Santa Ana Mixed Store.
Nahibaluan nga sa sulod sang anum ka bulan may yara na sang anum ka residential fire kag duha ka agricultural fire ang nagluntad sa banwa sang Ilog.
