Mahigpit nga gina monitor it HPG-Aklan ru sunod-sunod nga serye it mga paeanakawan it motorsiklo sa probinsya.
Suno kay PSSg. Hitler Villanueva it HPG-Aklan sa BRIGADA News FM Kalibo, delikado eon ru area of responsibility dahil mabahoe ru pagpati nga bukon it sambilog eamang ru naga himo kara kundi grupo nga naga kalhit sa pilang ka mga kabanwahunan sa Aklan.
Maka alarma eon ru naga kanabo nga motornapping rason nga maging responsable sa pagkaayad ru mga tag-ana it motorsiklo.
Kabu-an eamang sigun nga gna aywanan sa kalye ag kun amat hay naka kabit ru yabi rason nga maeomo sa mga manakaw nga tawon paeayo sa lugar.
Dugang pa ni Villanueva, naaresto it HPG ru suspek ag nakumpiska nanda ru bag nga may sueod nga mga accessories nga klarong gin pangahuyan sa mga tinakaw nga motorsiklo.
Kun matandaan, ru mga kabanwahunan sa Aklan nga may record it motornapping hay ru Kalibo, Banga, New Washington ag Makato.//MARIVIC Y. ILIN
