Madugay na nga ginapaandaman sang mga opisyales sang Brgy. Libas, Roxas City ang subject person sang Philippine Drug Enforcement Agency (PDEA) Capiz nga mag-untat na sa iligal nga buluhaton.
Suno kay Barangay Kagawad Cesar Yap Arollado, anay drug surrenderee ang subject person nga si alyas “Dodoy,” 34-anyos kag nalakip man sa drug watchlist ang duha pa gid ka mga nagkaladakpan nga sanday alyas “Dante,” 30-anyos kag alyas “Jay-R”, 32-anyos.
Matandaan, ginsalakay sang mga otoridad ang isa ka drug den kag wala na makapalag pa ang mga suspetsado kun sa diin narekober sa ila paghinakop ang siyam ka sachets sang ginasuspetsahan shabu nga nagabalor tanan sang P102,000 kag P500 nga buy-bust money. Sa karon, napasakaan na sang nagakaigo nga panumbungon ang mga nagkaladakpan. | Judy Ann Juare
