Aprubado eon ro Streetlights ag Safety Railings Project para sa Makato Diversion Road sa balor nga P114M sa gintaeana nga P200M para sa GAA of 2023.
Raya hay matapos nga ginpaabot it LGU Makato kay DPWH Secretary Manuel M. Bonoan nga ro area it Diversion Road (Kalibo Circumferential Road) sa banwa it Makato hay pirme nga nagaangkon it aksidente nga ginkamatay it pilang katawo bangud sa kakueangan it Streetlights, Directional Signs ag Safety Railings.
Ginpasaeamatan man ni Makato Mayor Ramon MON D. Legaspi III, ro pagtinguha ni DPWH Regional Director Nerie D. Bueno, CESO III sa pagpadaea it mga Staff kara sa taeatapan it alkalde para personal ag pormal nga ipaabot ro Official Communication. // ANN DESLENE SALAZAR
