Makadaghan nga higayon matud pa nga giamong-amongan sa usa ka stepfather ang iyahang 13-anyos nga anak anak sa dakbayan sa Talisay, Cebu.
Subay niini, ang National Bureau of Investigation sa Central Visayas (NBI-7) Sa Lunes, Hulyo 29, 2024, misang-at na og kasong statutory rape batok sa usa ka kanhi Overseas Filipino Worker (OFW) nunot sa matud pa paglugos niini sa menor de edad nga stepdaughter.
Gani, nasayran nga kagahapong adlawa, Hulyo 30, 2024, gisaulog sa bata ang ika-14 niini nga adlawng natawhan ug birthday wish gayud niini nga mapriso na ang iyang ama-ama aron mahunong na ang pag abuso kaniya.
Nasayran nga niadtong milabay nga Biyernes, Hulyo 26, gisikop sa mga otoridad ang suspek sa panimalay niini samtang ang menor de edad, gi rescue sa mga sakop sa Department of Social Welfare and Development in Central Visayas (DSWD-7) ug Talisay City Government.
Ang NBI-7 nipili nga dili ibutyag ang ngalan sa suspek, kinsa kasamtangang nagtrabaho isip home-based virtual assistant, tungod sa matang sa kaso.
Ang pagdakop base sa reklamo nga gisang-at sa buhatan sa bureau niadtong Hulyo 16, nga nag-ingon nga ang suspek makadaghang higayon nga milugos sa biktima sa iyang pinuy-anan.
Ang maong concerned citizen niingon sa mga ahente nga ang biktima mopaambit sa iyang mga klasmeyt nga kanunay siyang gilugos sa iyang ama-ama, kasagaran uban sa mga igsuon nga nangatulog sa iyang kwarto.
Sa dugang imbestigasyon nasayran usab nga ang pag-abuso giingong nagsugod niadtong 8-anyos pa ang biktima, ug ang labing bag-o nahitabo mga alas 2 sa kaadlawon hangtod sa alas 3 sa kaadlawon niadtong Hulyo 26, sa samang adlaw sa pagkasikop sa suspek.
Matod sa NBI-7, sa pipila ka mga higayon, pisikal usab nga pasakitan sa suspek ang biktima pinaagi sa paghapak ug pagsagpa kaniya.
Gihulga pa siya niini kung ibutyag ni bisan kinsa ang iyang kahimtang ug ang pagbuhat niini makaguba sa pamilya.
Gipaubos siya sa inquest proceedings atubangan sa Office of the City Prosecutor sa Talisay City tungod sa statutory rape.
