Kinumpirma ni Indonesian President Joko Widodo na ide-demolish at itatayong muli ang football stadium kung saan naganap ang stampede na ikinasawi ng mahigit 130 tao.
Nakipagpulong si JokoWi sa ilang mga opisyal ng FIFA para sa naturang proyekto.
Pagtitiyak ni Widodo, magkakaroon ng malaking transformation ang Kanjuruhan Stadium at ang bagong ipatatayo rito ay pasok na sa standards ng FIFA.
Sa ganitong paraan umano ay masisiguro ang kaligtasan ng mga players at ng mga taga-suporta ng mga koponan.
Matatandaaang nangyari ang trahedya sa unang linggo ngayong buwan ng Oktubre.
Ang tinitignang dahilan ay ang lalong pag-panic ng crowd matapos gumamit ng tear gas ang mga otoridad.
