MOKABAT sa P37.1 milyon ang kolektahon sa Social Security System (SSS) sa 94 delinquent employer, ang datus gikan 2021 hangtud 2024. Matud ni Noel Nacion, Senior Communications analyst SSS South Mindanao II, kini ang rason sa nagpadayon nga Run After Contribution Avaders o RACE campaign.
Dugang ni Nacion, dunay duha ka paagi sa pagbayad niini kini mao ang installment ug condonation program.
Kung dili makabayad ang mga delinquent employer sila ang pasakaan og kaso sa SSS.
Sa bahin ni Aliza Niera, tag-iya og establisimento sa Barangay Calumpang ginasigurado niya ang kanunay pagbayad og kontribusyon.
Gumikan nasayod siya nga dako kini og tabang sa mga empleyado. Samtang sa ulahing RACE campaign atong May 22, 2024 naa sa P7.7 milyon ang kolektahon sa SSS gikan sa delinquent employer. I Richel Gubalani
