CRIME of passion, kini ang gisundan nga motibo sa kapulisan sa pagpusil-patay sa inahan sa Purok Bliss extension, Barangay Calumpang, GenSan. Matud ni Police Col. Nicomedes Olaivar Jr., director sa General Santos City Police Office (GSCPO) kini base sa nakitang unod sa cellphone.
Sa gipusil-patay nga si Sharry Sangayan, 40-anyos, housewife, dunay tulo kaanak ug nagpuyo sa lugar.
Dugang ni Olaivar Jr., gitabangan na sa intelligence unit sa GSCPO ang Calumpang Police Station kalabut sa krimen.
Sa bahin ni Nilo Malazarte, kapuyo ni Sanggayan buot niya nga mahatag ang hustisya sa pagkamatay sa 17 katuig nang kapuyo. Alas-2 sa hapon atong Sabado, dihang nagtagay og ilimnong makahubog ug nag-videoke si Sanggayang kauban ang mga higala.
Kalit miabot ang lalaking sakay sa motorsiklo dayon pusil sa babaye, nakaangkon og usa ka samad pinusilan sa ulo si Sanggayan. I Richel Gubalani
