-Reymund Titong
KABANKALAN CITY, Negros Occidental – Nagakabalaka ang Sugar Regulatory Administration (SRA) sa posibli nga epekto sang paglupok sang bulkan Kanlaon sa mga pananum nga tubo (sugarcane) sa apat ka banwa nga malapit sa syudad sang Canlaon.
Suno kay SRA administrator Luiz Azcona, nakabaton sang report sang iya opisina sang Malain nga baho sang asupre (sulfur) kag pag-ulan sa pila ka lugar sa Central Negros, nga posible mahimo nga “sulfuric acid” nga Maka apekto sa mga tubo.
Dugang pa niya, ang kondisyon sang mga tubo, antis matabo ang paglupok ang acidic na, kag ang pagdugang acid sang duta ang maka tuga sang problema sa mga pananum.
Gin-manduan na ni Azcona ang research division sang ahensya agud mag-patigayon sang “sugarcane kag soil analyses” agud ma-hibaluan ang epekto sini sa mga tubo, pagkatapos maglupok ang bulkan Kanlaon, pasado las-7 sang gab-e, Hunyo 3.
Ang pag-sekyar sang kalidad sang duta kag tubo ang pagapatigayunon sa mga banwa sang La Castellana, Moises Padilla, Pontevedra kag La Carlota City, kun sa diin may una nga na-rekord nga ashfall ukon pagkadagdag sang abo (ash) gikan sa paglupok sang bulkan.*
