Ipahigayon karong adlawa Hunyo 15, 2023 sa Cagayan de Oro Convention Center ang special session sa 20th City Council sa Cagayan de Oro ubos ni City Vice Mayor Jocelyn Rodriguez.
Kini subay sa kasaulogan sa ika-73 nga sumad sa adlaw sa pagkahimugso sa syudad sa Cagayan de Oro diin si City Mayor Rolando Uy mopaabot usab sa iyang pinaka unang State of the City Address.
Ang pagpahigayon sa maong special session maghatag sa kahigayonan sa konseho nga madungog ang taho sa mayor sa iyang pagdumala sa dakbayan sa Cagayan de Oro sulod sa halos usa ka tuig nga paglingkod.
Lakip sa gipaabot nga ipataho sa mayor mao ang mga lakang nga gihimo aron maangkon ang kalampusan sa pagpatuman sa mga programa ug proyekto nga nagdala sa dugang kaarangan sa kinabuhi sa tanang Kagay-anon.
