Mas pinalakas ng bansang Spain ang kanilang seguridad matapos ang sunod-sunod na pagkadiskubre ng letter bomb sa bansa.
Noong nakaraang linggo, natuklasan ang magkasunod na letter bomb na ipinadala sa Prime Minister ng Spain at isa pa sa US embassy
Ang ikaanim at pinakahuling bomba ay nakita noong Huwebes ng hapon at ipinadala sa US embassy sa Madrid.
Nitong nakaraang araw din ay sumabog ang letter bomb na ipinadala sa Ukrainian embassy na ikinasugat ng isa nilang empleyado.
Patuloy din ang ginagawang imbestigasyon kung anong grupo ang nasa likod ng pagpapadala ng mga letter bomb.//CA
