Reymund Titong
KABANKALAN CITY, Negros Occidental — Sa tion nga naga-reklamo ang mga pumuluyo sang Barangay Linao sang tinalikdan nga semana bangud sa Agyo, ini man ang tion nga nagka problema ang operasyon sang URC-SONEDCO.
Sa interview sang Brigada News FM-Kabankalan kay City Environment and Natural Resources Office (CENRO)-Kabankalan Supervising Environment Management Specialist Lucia Salazar, aminado ang SONEDCO nga may abnormalidad sa ila operasyon sumugod nga nag-umpisa ini sa ila galing (mill) sang Oktubre 12.
Bangud sa nakit-an nga abnormalidad, ini ang rason kun nga-a may ashfall na-experyensyahan sa mga barangay malapit sa nasambit nga sugar central sa Kabankalan.
Sa karun, gin-buhinan na sang SONEDCO ang ila nga galing kada oras, humalin sa 170 metric tons kada oras, nangin 120 metric tons nalang. Kag base sa ila obserbasyon, nag-dyutay na ang pagbuga sang Agyo.
Dugang pa ni Salazar, maga-dihon siya sang sulat sa Environmental Management Bureau (EMB) kun magapadayon sa giyapon ang problema nga gina-atubang sang mga residente.
Nag-eksplekar man si Salazar nga wala sila dayon naka-imbestigar sa report nga una nga ginpalab-ot ni Juvy Estoque, bangud yara sila duwa ka separado nga training. -BNFM Kabankalan w/ reports of Brigada Arnel Callet
