LEGAZPI CITY – Dae na nakadulag pa an sarong soltero makalihis ining madakop kan mga awtoridad sa ikinondusir na drug-buy bust operation sa Purok 2, Brgy. Binatagan, syudad nin Ligao.
Binisto an suspetsado na si Andrew Maraya Milano, 18 anyos asin residente kan Brgy. Guilid kan kaparehong syudad.
Basado sa report, nagkondusir nin operasyon kontra iligal na droga an mga otoridad kasabay an Philippine Drug Enforcement Agency (PDEA) Regional Office 5 kun sain pinabakalan kan suspetsado an sarong poseur buyer nin pinagtutubudang “shabu” na nagkakantidad nin PHP1,000.
Nakumpiskar saiya an tulong pidaso kan nasambit na item na nasa 0.45 gramo na may pigkakalkulong kantidad na PHP3,000.
Sa ngunyan, nasa Ligao CPS na an suspetsado mantang pigpepreparar an kasong isasangat kontra sa saiya.
