Nanawagan si Quezon City 3rd District Rep. Franz Pumaren na dati ring player at multi-titled head coach, ng isang congressional investigation sa mga rules and regulations sa bawat laro ng basketball sa Pilipinas.
Ito ay matapos manapak si John Amores ng Jose Rizal University (JRU) sa hindi bababa sa apat na manlalaro mula sa De La Salle-College of St. Benilde (CSB) sa kanilang NCAA Season 98 noong November 8.
Sa kaniyang privilege speech sa Plenary session, ipinaliwanag ni Pumaren na ang mga unibersidad ay karaniwang nagpapataw ng mga parusa sa mga mapapatunayang nagkasala nilang mga estudyante.
Hiniling rin ni Pumaren ang tamang screening para sa mga atleta, kabilang ang mental screening. // CA
