SINAMPAHAN ng Kapisanan ng mga Social Media Broadcaster ng Pilipinas, Inc. (KSMBPI) ng kasong kriminal ang Social Media Personality na si Toni Fowler dahil umano sa kanyang mga malalaswang mga video online.
Ayon sa abogado ng naturang kapisanan, tatlong counts ng paglabag sa Article 201 ng Revised Penal Code (RPC) na may kaugnayan sa Cybercrime Prevention Act of 2012.
Inihain ang reklamo sa Pasay City Prosecutor’s Office.
Ayon sa kampo ng KSMBPI mayroon pa umanong minor ang nakasama sa malalaswang video ng social media personality.
Sa ngayon wala pang opisyal na pahayag si Fowler sa naging hakbang ng KSMBPI laban sa kanya. ### KENNETH BERMIL
