KORONADAL CITY- NASA 300 scholarship slots ang maaaring aplayan ng mga estudyante sa ilalim ng Kabugwason Paglaum Scholarship and Grant-in Aid Program o KPSGIA ng provincial government ng South Cotabato.
Ayon kay KPSGIA Unit Head Atty. Rhonalyn Gallego na ang grant-in aid program ay bukas sa mga kasalukuyang enrolled sa kolehiyo o nasa 2nd year college pataas na walang anumang scholarship grant, at sa mga kumukuha ng law at medicine.
Inihayag ni Gallego na ang mga grantees ay makakatanggap ng educational assistance na tig P 10,000 per semester, P 15,000 sa law at P 20,000 naman sa mga medicine students.
Nasa P 8 million ang pondo ng probinsya para sa grant-in aid program ngayong school year.
Sa mga interesadong mag-apply at para sa dagdag na impormasyon, makipag-ugnayan lamang sa KPSGIA Office sa 09319745315 o sa 228-2631.
Ang dealine ng application ay itinakda sa June 15, 2022.
