LEGAZPI CITY – Nagpartisipar an lokal na gobyerno kan Daraga, Albay sa ikinondusir na simultaneous clean-up activity sa duwang barangay kan banwaan.
An nasambit na aktibidad, pinangenotan kan Department of the Interior and Local Government sa irarom kan programang “Kalinisan sa Bagong Pilipinas” na ikinondusir sa mga barangay kan Kilicao asin Binitayan.
Obheto kaining mamantenir an kalinigan kan kapalibutan mantang prayoridad man an mga waterways o pigbubulusan ki tubig sa paagi kan paghale kan manlain-laing klase nin basura na pwedesir punan ki pagkabara kan drainage, kanal, estero asin iba pa bilang preparasyon sa epekto kan La Niña.
