Kinumpirma ng Bureau of Immigration na maraming beses nang bumyahe sa Pilipinas ang self-confessed Chinese spy na si She Zhijiang.
Si She na gambling tycoon na kasalukuyang nakakulong sa Thailand ay nirecruit ng China noong 2016 para maging espiya.
At noong panahong yon ay nandito siya sa Pilipinas at itinuturing na pugante ng China dahil sa pag-ooperate ng ilegal na POGO.
Ayon sa BI, 2020 nang huling lumabas si She ng Pilipinas at 21 beses itong naglabas-masok ng bansa simula pa noong 2011.
Lumabas rin sa imbestigasyon ng BI na napagkalooban pa si She ng working visa.
