Nagabalor sang lapit P30,000 ang narekober nga shabu sang mga barangay tanod sa Sitio Cadulan, Barangay Banica, sang tinalikdan nga Marso 3.
Ini ang ginkompirma sang PDEA Provincial Officer Ms. Melinda Panuguiton sa Brigada News FM nga may presensya sang methamphetamine hydrochloride ang siyam ka pakete nga narekober.
Dugang pa, nagabug-at sang lapit 4.4 gramos ang kabug-usan nga bug-at sang ilegal nga droga.
Sa interview naman sang Brigada News FM kay Brgy. Kapitan Mike Agrasada kag sa tanod nga on duty, may nasiplatan ini nga isa ka persona nga malapit sa lugar samtang sila ang naga-roving, apang iya sini ginpanginwala ang kaangtanan sa nakit-an nga shabu.
Sa karon, ginatumod pa sang mga otoridad kag pamunuan sang Barangay Banica kun paano nakalab-ot ang duha ka pouch nga may mga sachet sang ilegal nga droga sa lugar.| Frances Joy Preciosa
