Maabo ro natabing ro tagipusuon sa ginhimo it sambilog ka service crew nga si Jofel Cheng sa sambilog ka nastroke nga senior citizen customer.
Makita sa picture nga ginahungitan nana ro customer nga ginkilaea nga si Tatay Richard.
Base sa panaysayon it service crew, nagapamalimos eamang si Tatay Richard ag pagnakatipon it ensakto nga kwarta, nagabakae raya it pagkaon sa nasambitan nga fast food chain.
Si Tatay Richard hay nagapanglimos eamang ag nastroke pa raya rason nga nalisdan ro magueang nga maghueag ag maghambae ag ginakinahangean nana ro alalay.
Base kay Jofel, bisan ro iban nga crew hay ginabuligan man si Tatay Richard.
Dugang pa nana, regular customer nanda si Tatay Richard./JIL B. LACSON
