Nakit-an nga patay ro 60-anyos nga eaeaki sa Sibalom river nga sakop it Brgy. Dorongan, Tigbauan, Iloilo kahapon.
Base kay Police Captain Roy Castro, hepe it Tigbauan Municipal Police Station, nakit-an it sambilog ka laborer nga naghahakot it bato ag baeas sa suba ro bangkay ag insigida nga ginreport raya sa mga kapulisan.
Ginkumpirma it pamilya ro bangkay ni Ramon Tuando, residente it nasambitan nga barangay.
Oktubre 13 kat ginreport it pamilya ro pagkaduea it eaeaki.
Ginapatihan nanda nga posible raya nga nalunod bangud sa matindi nga pag-uean ku nagtaliwan nga mga inadlaw./JIL B. LACSON
