Patay na sang nasapwan ang isa ka senior citizen matapos nakuryente sa Sitio Ibungon, Barangay Pinay, Mambusao, Capiz.
Ginkilala ang biktima kay Eliodoro Orocio, 79-anyos residente sang nasambit nga lugar.
Sandig sa imbestigasyon sang Mambusao Municipal Police Station, nasapwan na lang ni Ernie Orocio ang iya amay nga wala na sang kabuhi nga ginakaptan ang duplex wire malapit sa electric water pump motor nga nagakonekta sa ila nga balay.
Ginapahayag nga ginakay-o sang biktima ang ila electric motor sang aksidente sini nga nakaptan ang duplex wire nga gintunaan sang iya pagkakuryente kag kamatayon.
Sa karon, yara na ang bangkay sang biktima sa isa ka punerarya sa nasambit nga banwa. | Judy Ann Juare
