Ipinagpaliban ng Senate Blue Ribbon Commitee ang ika-17 pagdinig kaugnay sa umano’y maanomalyang paggasta sa COVID-19 response fund noong nakaraang taon.
Sa halip na gawin ang pagdinig ngayong hapon, muli itong itinakda sa Martes, December 21, 2021.
Sa notice of postponement ng komite, idinahilan nito ang isinasagawang emergency operations matapos ang pagtama ng bagyong Odette sa bansa.
Nabatid na ilan sa naging kontrobersiyal sa naturang pagdinig ang kumpanyang Pharmally matapos makakuha ng bilyones na halaga ng kontrata para magsuplay ng mga PPE sa DOH.
Kasalukuyan din nakakulang ang ilang executive officers ng naturang kumpanya matapos i-cite in contempt ng Senado.
