Naniniwala si Senate Deputy Minority Leader Risa Hontiveros na isang patunay lang ang naging matagumpay na resupply mission sa Bajo de Masinloc na hindi kailanman aatras, papatinag at maduduwag ang mga Pilipino laban sa China.
Ayon pa senadora, pinapakita lang din nito ang kakayahan ng sambayanan na magkaisa para sa soberanya.
Kaugnay nito, hindi tulad umano ng layunin ng China na i-militarize ang West Philippine Sea (WPS), ang panawagan ng senadora ay i-civilianize o i-non militarize ito.
Sa pamamagitan nito, umaasa ang senadora na maiiwasan o malalayo ang teritoryo ng Pilipinas sa anumang gulo.
Samantala, muli na naman ding nanawagan ang senadora sa China na tumigil na sa mga ginagawa nitong karahasan at pag-angkin sa WPS.
