Inamin ni Senator Ronald Bato dela Rosa na handa niyang i-withdraw ang kanyang kandidatura sa pagka-Pangulo kung makapag-desisyon si Mayor Inday Sara-Duterte Carpio na sumabak sa 2022 Presidential Election.
Sa isang press conference,nilinaw naman ng Senador na hindi napag-usapan sa partido na siya muna ang pag-file ng COC habang hindi pa nakakapag-desisyon si Mayor Inday na tumakbo pagka pangulo.
Subalit naiintindihan umano ni Bato na posibleng mangyari ang ganitong scenario.
Sa kabila nito sinabi ni Bato na naniniwala ang PDP-Laban Cusi faction na kaya niyang ipagpatuloy ang mga nasimulan ni Pangulong Rodrigo Duterte kaya napili siyang standard bearer ng partido.
Aminado naman ang mambabatas na biglaan ang desisyon ng partido para paghainin siya ng COC pagka-presidente noong Biyernes.
