Itinanggi ni Senador Ronald “Bato” Dela Rosa na tinakot niya ang umano’y drug lord na si Kerwin Espinosa upang idawit sina dating Senadora Leila de Lima at negosyanteng si Peter Lim sa illegal na droga.
Ayon kay Dela Rosa, hindi credible si Espinosa bilang saksi.
Sa natapos na pagdinig ng Quad Committee, inakusahan ni Espinosa si Dela Rosa ng pagpilit na idawit sina Lim at De Lima.
Sinabi ng Senador na walang kinalaman ang Philippine National Police (PNP) sa kaso laban kay De Lima dahil ito’y ginawa ng Department of Justice (DOJ).
Dagdag pa niya, walang dahilan para pilitin si Espinosa na idawit si De Lima.
