‘GENERALLY PEACEFUL’ ang pagsaulog sa Eid al-Adha asa wala nataho nga mga insidente kalabut sa selebrasyon, butyag sa kapulisan.
Gibutyag sa Police Regional Office (PRO) 12 ug sa General Santos City Police Office (GSCPO) nga ang maong aktibidad ang generally peaceful.
Sa pamahayag sa GSCPO sa giandam nilang seguridad gibutang nila nga magbantay sa seguridad ang matag station commander sa mga presinto. Ang maong mandu ang gipakanaog ni Police Col. Jomar Alexis Yap, director sa GSCPO aron masiguro nga malinawon ang selebrasyon ug mapugngan ang mga posibleng nagplano og kagubot.
Butyag ni Brig. Gen. Jimili Macaraeg, director sa PRO-12 nga gimonitor nila ang tanang aktibidad sa Eidl al adha sa tibuok rehiyon ug nasuta nila nga peaceful o malinawon ang selebrasyon.
Nagpasalamat si Macaraeg sa tanang nagbantay sa seguridad ug sa publiko sa kalampusan sa maong aktibidad. Sa GenSan ang mga kaigsuonang Muslim brang nagselebrar sa Eid’l Adha o Feast of Sacrifice sa pipila ka bahin sa siyudad.
Ang Eid al-Adha ang Muslim festival sa annual pilgrimage sa Mecca paghinumdom sa sakripisyo ni Abraham. I Richel Gubalani
