Pinayagan ng City Government ang grupo ng mga negosyante sa Olongapo na maituloy ngayong taon ang pagdiriwang ng Mardigras.
Ito ay kahit pa nasa ilalim pa rin ng Alert Level 1 ang lungsod at obligadong sumunod sa minimum health protocol ang lahat ng mga bisita at partisipante.
Ayon kay Ruben De Guzman, Presidente ng Metro Olongapo Chamber Of Commerce Inc, ilang ulit nang nakipagpulong ang grupo sa mga otoridad para tiyaking masusunod ang health standard at hindi magkakagulo ang mga pupunta sa gabi-gabing selebrasyon.
Ang Mardigras sa Olongapo ay taunang aktibidad sa Magsaysay Drive na katatampukan ng performances ng mga kilalang banda at personalidad sa loob ng tatlong araw mula Oktober 27 hanggang Oktubre 29.//Christian Andres-BNFM OLONGAPO
