Nasawi ang isang security guard matapos malunod sa bayan ng Claveria Cagayan kaninang umaga, October 11, 2021.
Ang biktima ay kinilalang si Pedro Sanjilan, 27-anyos at residente ng Barangay Centro 3 sa nabanggit na munisipalidad.
Ayon sa MDRRMO Claveria, pasado alas-7 kaninang umaga, habang nagsasagawa ng inspeksyon ang naturang sekyu sa ginagawang seaport ay aksidenteng nahulog ang biktima at tinangay ng alon ng dagat.
Kalaunan ay na-rescue ng mga kasapi ng Maritime at Rescue 41 si Sanjilan na agad dinala sa RHU subalit idineklarang dead on arrival.
