LEGAZPI CITY – Pigsiyerto kan Provincial Government of Albay na saro sa mga prayoridad kan probinsya ngunyan an sektor kan agrikultura nin huli ta dakula an papel kaini nganing mapakusog an ekonomiya.
Mapadagos su boot an pagtataong suporta asin maninigong atensyon sa mga paraoma asin parasisira sa probinsya.
Kabale man digdi an pagtatao nin manlain-laing asistensya sa paagi kan mga programa na pig-iimplementar kan Albay Provincial Agricultural Office katabang an Department of Agriculture asin an Bureau of Fisheries and Aquatic Resources.
