Sa unang an-um nga buean it 2022, masobra sangka milyon nga turista eun ro nagbisita sa Western Visayas sa pihak it pagpanalasa sa COVID-19 pandemic.
Base sa report it Department of Tourism, (DOT) ro numero it mga tourists arrivals sa rehiyon hay haeos lampasan ro numero it mga travelers ku 2021 nga umabot eamang sa 1,167,463.
Ro probinsiya it Aklan partikular ro Boracay Island ro may pinakamaabo nga kontribusyon sa tourist arrivals sa rehiyon nga umabot sa 962,289.
Ginabisita man ro Guimaras sa andang sikat nga weekend biking ag island hopping.
Nagasikat man sa mga bisita ro probinsiya it Antique sa andang mga parks ag forest areas.
Samtang, sa probinsiya it Iloilo, gina-adtuanan it mga turista ro naaminhan nga parte it lugar, partikular ro Concepcion ag Carles bangud sa andang manami nga mga isla.
Nagpahayag man it kumpiyansa ro DOT nga malampasan it Western Visayas ro target nana kara nga 2.8 million tourist arrivals makarang dag-on./JIL B. LACSON
