GISULOD sa kapulisan ang hilit nga kadalanan sa Barangay Calumpang, GenSan human ang insidente sa pagpamusil-patay, Biyernes sa gabii.
Nagpahigayon og Oplan Kapkap bakal ug gisita ang mga motoristang nangagi nga walay igong dokumento sa gimanehong sakyanan. Matud ni PCol. Gilberto Tuzon, director sa General Santos City Police Office (GSCPO) paagi kini aron pugngan ang subling pagkahitabo sa krimen.
Ang lakang, gawas pa sa gimugna nga 40 ka checkpoints gawas sulod sa dakbayan nga gipangunahan sa kapulisan ug barangay tanods. Dugang sa 80 ka personahe sa GSCPO nga ‘round the clock’ naglibot suroy sa dakbayan.
Samtang, hangyoon usab ni Tuzon ang mga opisyal sa barangay nga magpakatag og tanod sa mga hilit nga dapit sa barangay. Kahibaloan nga sa usa kalye sa Purok Carmenville sa Barangay Calumpang nahitabo ang pagpamusil- patay sa usa ka ginang.
Una nang, gimandu ni PBGen. Alexander Tagum, director sa Police Regional Office (PRO) 12 sa tanang personahe. Ang pagbantay sa kadalanan 24 oras tumong pugngan ang paglusot sa mga indibidwal nga mohimo og krimen sama sa pagpamusil. I Richel Gubalani
