GIANUNSYO ni Department of Transportation kun DOTr Secretary Arthur Tugade ang pagpadayun sa Libreng Sakay nga usa sa mga programa sa iyang buhatan.
Kini ang gibutyag ni Tugade sa iyang pagbisita sa GenSan alang sa inagurasyon sa General Santos City Airport.
Segun niini sa GenSan nagsugod na adlawng Miyerkules, ang Libreng Sakay program asa nagtumong nga mohatag og libreng sakay sa mga medical frontliners, APOR o authorized persons outside residence ug sa mga nagatrabaho sa gitawag nga essential services.
Giklaro usab sa kalihim nga walay bayaran ang mga nahisgutang pasahero sa libreng sakay tungod gibayaran na kini sa gobyerno pinaagi sa LTFRB ug DOTr.
Ang mga jeepney operator, bus operator ang bayran sa ilang pagbiyahe ug bisan walay pasahero ang ilang sakyanan, sila ang bayran gihapon sa LTO ug LTFRB.
Gawas sa inagurasyon sa airport, gi-inagurahan usab ni Tugade ang Port Operations Building Complex sa Philippine Ports Authority sa Makar Wharf sa GenSan.
Gipamahayag usab ni Tugade nga bisan sa pandemya, ang Duterte administration ang padayun sa pagpahuman sa mga proyekto nga makatabang sa mga panginabuhian sa katawhang Pilipino.
Photo by: Gia Morales
