DILI na magukod pa ning tuiga nga matukod ang proposed crematorium sa GenSan nga tukuron sulod sa ACAMP.
Matud ni Engr. Emerald Signar, labaw sa City Engineers Office, nga posibleng magukod pa ang procurement ug sunod tuig na masugdan ang pagtukod sa maong crematorium.
Sa karon anaa pa sila sa pagpahigayun og research tungod dili sila makapahigayon og benchmarking tungod sa restrictions sa pandemya.
Una nang gibutyag ni Mary Ann Calonzo Tan, labaw sa City Housing and Land Management Office nga aduna nay pondo nga P25 million alang sa maong crematorium project sa syudad.
Ang proyekto dugay na gi-proposed sa wala pa ang pandemya apan napondohan lang niadtong miaging tuig.
Dugang pa ni Tan nga ang mga underprivilege mahimong mobayad lang og P3,000 sa pagpa-cremate sa ilang minatay ug sa arangan ang kahimtang, mahimong mo-charge sila og P15,000 hangtud sa P20,000 sama sa pribadong crematorium.
Sa karon anaa na matud pa sa City Engineers Office ang katumanan sa maong proyekto.
