NAGPAGAWAS ang Enforcement and Investor Protection Department (EIPD) sa Securities and Exchange Commission (SEC) og advisory batok sa Bagong Bansang Maharlika (BBM) International Inc. (BBMII) kansa ga-operate sa Davao Region, SOCCSKSARGEN, Cotabato City ug sa Maguindanao Provinces.
Hanyagan sa BBMII program ang ilang potensiyal nga mamahimong miyembro og gitawag nga “assured benefits” pinaagi sa food security, medical services, livelihood, free education ug cash assistance alang ngadto sa mga senior citizens diin magsugod sa edad nga 50 anyos pataas.
Kinahanglan nga kompletohon sa magpamiyembro ang application form ug muhatag og P100. 00 alang sa processing fee ug pag isyu og ID.
Sumala pa nga bisan og rehistrado sa SEC ang BBMII, dili kini accredited sa Department of Social Welfare and Development (DSWD) isip Private Social Welfare Agency (PSWDA) alang sa maong aktbidad.
Gumikan niini, nagpasidaan ang ahensiya nga ang SEC registration naghatag lamang sa subject entity sa juridical personality nga mag-operate isip usa ka korporasyon ug dili kalakip niini ang mga kalihokan nga gikinahanglan ang permit/lisensya/awtoridad sama sa apan dili limitado sa pag-operate isip Private Social Welfare Development Agency (SWDA) gikan sa DSWD.
Gipahimangnuan sa ahensiya ang publiko nga dili muapil sa mga ihanyag sa bisan kinsang indibidwal o bisan kinsang sakop sa Bagong Bansang Maharlika International Inc.
