Naabo ro sangka sari-sari store matapos masunog sa Sitio Ilawod Brgy. Ibao, Lezo, Aklan kabii.
Ro nasambit nga baraka hay himo sa mixed materials ag ginapanag-iyahan ni Aladin Dela Rosa.
Insigida man nga rumesponde ro Bureau of Fire Numancia ag may pilang residente ro nagbueoligan pero naabo gihapon ro sari-sari store nga may 32 sq meters ro kabahueon.
Mas o menos sa P40,000 ro nailistang damages sa natabo nga sunog.
Bandang alas 12:15 eon it kaaganhun nagdeklara it fire out.
Padayun man ro imbestigasyon it BFP Numancia sa ginhalinan it kaeayo. / ANN DESLENE SALAZAR
