GIKUMPIRMA ni Dr. Arvin Alejandro, Provincial Health Officer sa Sarangani Province nga nakatala na ang probinsya og duha ka kaso sa Covid-19 Delta variant.
Sa karon, nakakwarantina ang duha ka Delta variant cases asa ang usa gikan sa Manila nagproseso og dokumento isip seaman ug miabot ang live in partner gikan sa United Arab Emirates.
Ang maong lalaki ang nasutang positibo sa Delta variant samtang ang ikaduhang kaso, nakumpirma sa maong variant human mitambong og kasal.
Apan gibutyag ni Alejandro nga naka-recover na ang duha ka pasyente ug walay local transmission sa ilang probinsya.
Samtang giangkon ni Alejandro nga sa tanang suspect cases sa COVID-19 sa ilang probinsya kung sutaon ang ilang 14 days chronology of activity miadto sila sa mall sa GenSan.
Hangyo na lamang niini sa publiko kung may gibating simtomas sa sakit, kinahanglan nila nga mag-test.
