GIPAKUSGAN pa sa Sarangani provincial government ang pagpangandam sa mga kalamidad ug mahatag ang paspas ug paigong aksyon.
Kini human nagpatawag og meeting si Provincial Administrator Atty. Ryan Jay Ramos sa mga opisina nga gadumala sa nagakadaiyang social welfare issues ug disaster preparedness nga kinahanglang ma-address pabahon sa kalamidad.
Ang maong meeting ang isip tubag sa bag-uhay nga pagbaha sa Alabel ug ubang munisipalidad ug sa posible pang muabutay nga kalamidad.
Ang Provincial Disaster Risk Reduction and Management Office (PDRRMO), ug provincial ingon man ang regional offices sa Department of Social Welfare and Development (DSWD) nagpasiugda sa maong meeting kauban ang provincial administrator adlawng Huwebes.
Sa bahin ni Governor Rogelio “Ruel” D. Pacquiao, butyag ni Atty. Ramos nga ang provincial government ang muhatag og tibuok suporta sa mga concerned offices aron nga mahtag ang dinalian ug haum nga tabang sa panahon sa kalamidad.
Gibutyag usab ni PDRRM Officer Rene Punzalan nga ang pito ka munisipalidad ang “at-risk” areas panahon sa pagbundak sa kusog nga ulan ug mahimong maapektuhan sa grabeng pagbaha.
Matud usab ni Edith Mahilum sa PSWDO nga giduso niini ang pipila ka programa ug trainings lakip ang paghatag og allowances ug incentives alang sa mga trainees ug sa personal protective equipment (PPE) sa authorized workers ug mga residente.
Gituki usab sa meeting ang peace and order situation sa Sarangani ug gisubli ang pagsustinir niini ang papel na sa matag Sarangan.
