Nananatiling top choice si Davao City Mayor Sara Duterte sa isa sa mga survey ng vice presidential choices.
Ayon sa independent at non-commissioned survey ng OCTA Research Team, lumalabas na 57 percent ng mga respondents ay sumusuporta sa probable vice presidential bid ni Duterte.
Kaugnay nito, nakuha nito ang 34% ng suporta sa National Capital Region (NCR), 55% sa Balance Luzon, 62% sa Visayas, at 66% sa Mindanao.
Sinundan naman si Duterte ni Senate President Vicente Sotto III (23%), Senator Francis Pangilinan (12%), Dr. Willie Ong (7%), House Deputy Speaker Lito Atienza (0.7%), at Manny Lopez (0.1%).
Matatandaan na sa poll ng OCTA noong Pebrero, nakakuha ang presidential daughter ng 43% preference votes. //MHEL PACIA-TRINIDAD
