Naging viral ro sangka restaurant sa banwa it Malinao bangud sa andang Valentine’s day promo nga matsa nakaka insulto o pagpakanaba sa mga kababaihan.
Naging offensive o misogynistic para sa iba, ro nasambit nga post sa social media it nasambit nga restaurant kung siin nagapakita raya it sari sari nga korte it kinatawo it babaye.
Nakabutang nga sa kada korte hay may igatao sanda nga discount kung magkaun sa andang restaurant makarun nga Valentine.
Bangud man sa nabatun nanda nga bash sa andang FB account, insigida man nga nagpaguwa it apology ro management it restaurant ag insigida nanda nga gin-delete ro andang post.
Gindugang pa it nasambit nga management nga bukon man gid kanda naghalin ro nasambit nga ideya ag ginhambae nga nakita malang segun nanda raya sa ibang samgyupsal restaurant nga naga offer it kaparehung promo.
Ginpasiguro man it management nga indi eon mauman ro nasambit nga hitabo. // ANN DESLENE SALAZAR
