Sangka indibidwal ro ginaalegar nga nagreklamo bangud sa bukon it tama nga pagdakop kanda it sangka personnel it Malay PNP.
Bangud kara, uman nga nagpatigayun ku adlaw it Lunes ro Malay MPS it Police Information Continuing Education (PICE).
Bilang sabat sa naging reklamo, gintaw-an it pag-giya ni MESPO PEMS Reynold Galicha ag gin-engganyo ro mga personnel nga uman nga tun-an ro Police Operations Manual agud masiguro ro tama nga kasayuran ag pagpatuman it mga pamaagi kung may ginadakop o gina-apprehend.
Samtang, ginpadumdom man ni PCPT Kevin T Amorio ro tanan nga Malay PNP Personnel nga maging visible sa andang tour of duty, eabi eon kung may Barangay Fiesta, agud malikawan ro anumang insidente.
Gin-insister man ni Amorio nga ro naka-assign sa andang post hay magapanabat sa anumang kremin ag responsibilidad segun it personnel nga punggan ro anuman nga insidente. // ANN DESLENE SALAZAR
