Gulpihan nga nag bulig sa naga-unga nga 32 anyos nga buntis ru sangka myembro it MDRRMO-Makato sa Brgy. Tugas, Makato, Aklan.
Suno kay Mr. Larry Tacud it MDRRMO-Makato, naka baton imaw it tawag sa cellphone halin kay Alina nga naga pabulig dahil mag naga labor eon ru buntis ag kinahangean ru ambulansiya.
Eagi man nga gin respondehan kaibahan ru iba pang mga myembro it MDRRMO-Makato ag sa pag-abot sa lugar, naka guwa eon sa pwerta it nanay ru eapsag ag mahina eon ru condition it misis.
Dali-dali man nga gin buoe ru babayeng eapsag ag gin butang sa tiyan it nanay apisar mga naka kabit pa sa pwerta ru umbilical cord hasta maka abot sa sa hospital.
Pag-abot nanda sa Dr. Rafael S. Tombukon Memorial Hospital, eagi man nga gin baton sa emergency room ag sa makaron hay sa mayad eon nga condition ru mag-ina.
Mabahoe ru pag pasaeamat it pamilya it mag-ina sa MDRRMO-Makato kapin pa kay Mr. Larry Tacud sa mabaskog it nga maghatud sa mag-ina sa hospital sa kritikal nga sitwasyon.
Nasayuran halin mismo kay Tacud nga maeayo ru gin tikang sa kaeanasan bago maka abot sa baeay it mag-ina.//MARIVIC Y. ILIN
