Binaril patay ru sangka eaeaki it uwa makilaeang suspek sa Barangay Rivera, Ibajay, Aklan, ala 7:30 kabie.
Sa imbistigasyon, gin pahayag ni PSSg Buddy Gregorio it Ibajay MPS nga nakilaea ru biktima nga si Melvin Lopez, 32 anyos, may asawa ag residente it nasambit nga lugar.
Suno sa mga nakakita, nagbakae it sigarilyo ru suspek sa baraka it biktima ag dayon gulping binaril sa waea nga tiyan ag waea nga abaga.
Nakita sa lugar ru 1 nga bala it 45 caliber nga baril ng agin adudahan nga gin gamit it suspek sa biktima.
Eagi man nga gin respondihan it mga kapulisan ru insidente ag pag-abot sa lugar, nakitang naga hamyangon eon ru biktima sa terrace it andang panimaeay.
Sa makaron, padayon pa ru hot pursuit operation it Ibajay MPS matapos makapaeagyo ru uwa makialeang suspek sa lugar.
Padayon pa makaron ru follow-up investigation ni PCpl Daniel Moris Galano imbistigador it Ibajay MPS.//MARIVIC Y. ILIN
