Tinakawan it pilang ka mga kagamitan ru sangka appliance center nga nahamtang sa Toting Reyes St., Kalibo, Aklan.
Suno kay Mr. Reymund Salvador, care taker it nasambit nga appliance center, bag-o eamang nadiskobrehan nga tinakawan ru anang gina bantayan nga appliance center.
Sa initial nga imbistigasyon it BRIGADA News FM Kalibo, sangka amplifier nga naga balor it P17,800K ag sangka speaker nag nagabalor it P4K ru tinakaw it uwa pa makilaeang suspek.
Napan-uhan it care taker nga tinakaw it uwa makilaeang manakaw ru mga appliances matapos maghapit imaw sa pwesto para bue-on konta ru anang gina suksok nga sapatos sa pag jogging.
Dahil sa roll-up ru prente it appliance center sa likod mag-agi ru suspek.
Padayon pa sa makaron ru follow investigation it Kalibo MPS sa natabong pagpanakw.//MARIVIC Y. ILIN
