Base sa datos it Antique Provincial Population Office (PPO), ku nagtaliwan nga dag-on, ro banwa it San Jose de Buenavista, Antique hay may pinakamataas nga rekord it teenage pregnancy sa probinsiya it Antique.
Nakapagrekord ro kabisera it probinsiya it 156 kaso; kasunod hay ro banwa it Caluya nga may 137, Sibalom nga may 116; Culasi nga may 114; ag Hamtic nga may 110.
Sa presente, nagahiwat it mga pamaagi ro PPO agud matapna ro pagtaas it teenage pregnancy sa Antique.
Sa minatuod, gusto nanda nga makipag-angut sa mga opisyales it mga barangay lalo eun sa Sangguniang Kabataan para mas mapadali ro paglunsar it andang programa sa mga kabataan sa mga kabaranggayan it probinsya./JIL B. LACSON
