Gin-anunsyo sang San Isidro Labrador Parish, sa banwa sang Binalbagan ang temporaryo sini nga pagsirado pagkatapos sang funeral mass adlaw sang Myerkules, Abril 03,2024 bangud sa nagluntad nga insidente.
Suno sa official facebook page sang amo nga simbahan sa ila nga advisoty para sa mga tumulu-ong katoliko nga temporaryo ini nga magasirado sa rason nga kinahanglan pa nga pagakay-uhon ang external damages sa sanctuaryo kalakip na ang internal damages ukon ang kasakit sa balatyagon nga nabatyagan sang mga katoliko sa nasambit nga banwa angut sa nagluntad nga pagpangguba sang imahe sang santos sang isa ka persona nga nagpakilala isa ka muslim kag ginsugo ni Allah.
Dugang pa, kalakip sa mga imahe nga nagkalaguba amo ang St. Joseph, San Isidro Labdrador, Immaculate Conception, crucifix duha ka mga imahen sang Angels kag ang Tabernaculo.
Nahibaluan, nga maga-anunsyo lang ang amo nga simbahan sa ti-on nga magabalik na sulod mismo sang simbahan pagahiwaton ang mga misa. – DEG
