Nasungkit ng Philippine fencing contender na si Sam Catantan ang kanyang ticket patungong 2024 Paris Olympics matapos niyang manguna sa women’s foil event ng Asia and Oceania Zonal Olympic Qualifier sa United Arab Emirates.
Sa kabila ng mga naranasan niyang pamumulikat, naungusan ni Catantan si Sofiya Aktayeva ng Kazakhstan sa finals na may final score na 15-14.
Maalalang sumabak si Catantan sa 32nd Southeast Asian Games sa Cambodia noong nakaraang taon kung saan nakakuha siya ng silver.
Makakasama ang Filipina fencer sa dumaraming listahan ng Paris-bound athletes mula sa Pilipinas tulad nina EJ Obiena, Carlos Yulo, Aleah Finnegan, Levi Ruivivar, Eumir Marcial, Nesthy at Aira Villegas, rower Joanie Delgaco, at weightlifters Elreen Ando, John Ceniza, at Vanessa Sarno.
###
