Ginbalagbag sang tag-iya sang duta sa Barangay Cogon ang iya salakyan sa tunga sang karsada rason nga madamo sang mga pumuluyo ang na-stranded bangud indi makaagi.
Sa interview sang Brigada News FM Roxas City kay Lolito Cerilos, tag-iya sang duta, ginpahayag sini nga nakig-istorya siya kay Governor Fredenil Castro kag ginpakita sini ang titulo sang iya duta.
Suno diri, ginsilingan siya ni Gov. Castro nga isarado ang karsada kag may kinamatarong siya nga magpanukot bangud iya ini propedad.
Dugang pa ni Cerilos, sang nagbalik siya sa iya duta, ginsugata siya sang kapulisan kag ginsilingan nga untaton na ang pagpanukot bangud wala siya sang permit gikan sa barangay.
Ginrason man sini nga indi siya pagtagaan sang permit ni Barangay Kapitan Reynaldo Alparaque.
Sa karon, desidido gihapon si Cerilos nga padayunon ang pagpanukot sa mga naga-agi kay suno diri nagabayad siya sang buwis. | Judy Ann Juare
