Sabio: Nalab-ot ko na ang handum sang amay ko nga mangin isa ka sundalo

-Reymund Titong

KABANKALAN CITY, Negros Occidental — Sa isa ka pungsod nga ‘close family ties’ ukon mas gina-tagaan importansya ang pamilya labaw sa tanan, indi mabudlay paminsaron nga ang kalabanan nga handum sang isa ka bata ang impluwensya kagustuhan sang ila pamilya.

Isa diri ang taga banwa sang Cauayan nga si Psalm Sabio nga bag-o lang mag gradwar sa Officer Candidate School (OCS) bilang isa ka probationary 2nd Lieutenant sang Philippine Army (PA) “ARAMSIDLAK” Class 60-2024.

Sa interview sang Brigada News FM-Kabankalan kay Sabio, iya gin-pakigbahin nga ang una nga rason sang iya pagsulod sa military amo ang pag lab-ot sang anay handum sang iya amay “nga mangin isa ka sundalo para makabulig sa pamilya.”

Dugang pa ni Sabio, indi man lipod sa iban nga aktibo man ini nga rescue volunteer kag didto nabugtaw ang iya “passion to serve,” nga amo Naman ang nangin instrumento nga-a gusto nya magin isa ka sundalo – agud ma-mintinar ang malinong nga kumonidad.

Nag graduate si Sabio sa iya kolihiyo sa Central Philippines State University (CPSU) sang 2021 nga may kurso nga Bachelor in Sugar Technology. Pagkatapos nag-trabaho bilang administrative staff sa amo man nga buluhu-an, antis natigayon ang iya magsulod sa OCS sang Armed Forces of the Philippines (AFP).

Kun may isa ka natunan-an si Sabio sa pagsulod niya sa paging isa ka sundalo, amo ini ang paghatag importansya sa oras, bangud suno sa iya, ang kada oras ang importante, kag mangin limitado nalang ang iya oras sa iya pamilya kag mas hatagan pag-tamud ang gin-sumpaan sa pungsod — ANG MAMATAY NG DAHIL SAYO.*

Leave a Reply

Your email address will not be published. Required fields are marked *